Juventusi ka qenë në kontakt me Chelsean për të kërkuar një lëvizje për anësorin me përvojë Raheem Sterling, thuhet në raportime.

Bardhezinjtë kërkojnë të mbyllin një sërë marrëveshjesh të rëndësishme, duke përfshirë ato për mesfushorin e Atalantas, Teun Koopmeiners dhe anësorin e Fiorentinës, Nico Gonzalez.

Trajneri i ri Thiago Motta i ka bërë të qartë Juventusit se dëshiron dy anësorë të rinj këtë verë, duke e lënë Federico Chiesan në harresë.

Sulmuesi italian nuk është pjesë e projektit që ecën përpara dhe pritet të gjejë një shtëpi të re brenda javëve në vijim, shkruan Onefootball.com, përcjell Klankosova.tv.

Gazetari Gianluca Di Marzio, njofton se Juventusi e ka shtuar Sterlingun në listën e tyre të opsioneve për të forcuar skuadrën e tyre këtë muaj dhe ka kontaktuar me Chelsean për të kuptuar kufijtë e një marrëveshjeje të mundshme.

Anglezi 29-vjeçar, i cili ka tre vjet të mbetura në kontratën e tij në West Londra, mund ta gjejë veten me kohë të kufizuar për të luajtur sezonin e ardhshëm ndërsa klubi përgatitet të mirëpresë Pedro Neton nga Wolves.